LlB Llsgr. Cotton Titus D IX – tudalen 61r
Llyfr Blegywryd
61r
taf hi a|r|neill troet idi y|myỽn y|gỽely. a|r
llall y|maes. Y gỽr kynntaf o gyureith a|e ke+
iff. OR gỽatta gỽreic y|godineb; rodet lỽ
degỽraged a|deugeint. ac velly y|gỽr a|ỽatto
y|odineb. llỽ degỽyr a|deugeint a|dyry. ac y|r
tri chadarnn enllipp y|rodir y|rodir y|reith
honn. O|R byd y|wreic achaỽs dybryt a|gỽr
arall. ae o gussan. ae o|e|hymrein. ae o|e go ̷ ̷+
uyssyaỽ. y|gỽr a|dichaỽn y|gỽrthot. a|hi a|d+
yly colli y|holl dylyet o|rodi cussan heb vn
o|rei ereill. OR kyttya gỽr a|gỽreic arall;
talet idaỽ y|sarhaet dan y|hardyrchauel
vn weith. kannys o|genedylaeth elynyae+
th yỽ. Dros ovyssyaỽ y|telir sarhaet dan
y|hardyrchauel. Dros gussan; trayan y|sar+
haet a|vyd eisseu. kanny bu weithret cỽb+
yl yrydunt. nac o|tỽyllofyeint idi. na ̷
phy|wed|bynnac y|rodit idi gussan. Y|neb
a gussano gỽreic gỽr arall; talet y|petỽar+
ed rann y sarhaet idi. ac velly o|r gofuyss+
yaỽ onnyt yn gỽare yr|hỽnn a|elỽir gỽa+
re raffan. neu yg|kyuedach. neu pan del
dyn o|bell. Y|neb a|wnnel cỽbyl weithret
cỽbyl sarhaet a|tal. Goronỽ ab moridic
a|dyỽedei na dyly gỽr yr bot gan wreic
gỽr arall. a|r wreic yn|da genti hynny
| « p 60v | p 61v » |