LlB Llsgr. Cotton Titus D IX – tudalen 80v
Llyfr Blegywryd
80v
O |R trychir prenneu ereill yg|koet
dyn hyb y|gannyat. amgen no|r
tri prenn yssyd ryd y|adeilỽr ̷
maestir. keinnaỽc a|tal o|lỽyth pob deu
ychen. neu o|lỽyth march. y|perchenn y
coet. y|neb a|e|trycho a|e|tal. a chamlỽ+
rỽ y|r arglỽyd. Os gỽadu a|wnna. reith
gỽlat a|a arnaỽ. a|r gyureith honno
yssyd y|bop dyn am|y|goet. Teir kynne+
vaỽt yssyd; kynneuaỽt a erlit kyure+
ith. kynnhaladỽy yỽ. a chynneuaỽt
a raculaeno kyureith. o|r byd audurda+
ỽt brenhinaeth idi. kynnhaladỽy yỽ.
kynneuaỽt a lyccro kyureith ny dyly+
ir y|chynnal. TRi pheth a|gadarnnha
kynneuaỽc*. adỽynnder. ac gallu. ac
aỽdurdaỽt. TRi pheth a|wnnha* kyn+
neuaỽt. Gorthrymder. ac agheugant
vonhed. a|dryc·agreith. a|hi a ỽrthledir
rac dryc·agreith. Beth|bynnac nyt
yscriuennỽyt y|myỽn kyureith. ac all+
er trỽy dylyet y|geffylybu y|r hynn a ̷
yscriuennỽyt yn ossodedic. kynnhala+
dỽy vyd. yn lle kyureith yn|y dadleueu.
kanny ellir yscriuenu pob pob* peth
o|r a|uo reit y|dyỽedut neu y
| « p 80r | p 81r » |