Llsgr. Caerdydd 1.362 (Hafod 1) – tudalen 15r
Brut y Brenhinoedd
15r
AC yna yd anuoned gỽys tros ỽyneb ffreinc
y gynnuullaỽ y holl dewred; ỽrth eu gollỽg
gyt a llyr y orescyn y gyuoeth tracheuyn idaỽ.
A gỽedy bot pop peth yn baraỽt. kychỽyn a oruc
llyr a chordeila y verch ar llu hỽnnỽ gantunt. A
cherdet hyny doethant y ynys prydein. Ac yn di+
annot ymlad a|e dofyon. A chaffel y uudugolya+
eth o lyr. A gỽedy gỽedu paỽb o|r ynys idaỽ; y
bu varỽ llyr yn|y tryded ulỽydyn. Ac y bu varỽ
aganipus brenhin ffreinc. Ac yna y kymyrth
cordeila llewodraeth y teyrnas yn|y llaỽ e|hun.
Ac y cladỽyt llyr y myỽn daerty a|wnathoed e
hun dan auon soram. Ar temhyl honno a ry|wna+
thoed ef yn anryded ianij biffrontis yr duỽ a
elwit. A phan delhei ỽylua y temyl honno; y
deuei holl grefftwyr y dinas ar wlat o|e henre+
dedu. Ac y dechreuynt pop gỽeith o|r a wnelynt
hyt ym pen y ulỽydyn. A gỽedy gỽledychu o cor+
deila pump mlyned yn tagnouedus; y kyuodes
y deu nyeint yn|y herbyn. Margan vab magla+
ỽn. A chuneda vab henwyn. a llu aruaỽc gan+
tunt. A dala cordeila a|e charcharu. Ac yn|y car+
char hỽnnỽ o dolur colli y chyuoeth y gỽnaeth
e|hun y lleith. Ac y ranassant ỽynteu y kyuo+
eth y·rydunt. Ac y doeth y vargan o|r tu drav
y humyr y gogled yn|y theruyn. Ac y doeth
y guenda y parth yma y humyr. lloeger a chy+
mry a chernyỽ. A|chyn pen dỽy ulyned y doeth+
ant gỽyr a gerynt teruysc ac anuundeb a
| « p 14v | p 15v » |