Llsgr. Caerdydd 1.362 (Hafod 1) – tudalen 75v
Brut y Brenhinoedd
75v
o|r a|e gỽelei. A hynny yn anedic gantaỽ. A gỽedy y
hardahu o vrenhinolyon arỽydyon y teyrnas ymrodi
y haelder a oruc yn gymeint ac nat oed haỽd idaỽ
gaffel kymein* o da ac a od reit idaỽ y rodi yr saỽl
varchogyon a lithrei attaỽ ac eissoes pỽy bynac a
vo hael ynyanaỽl ygyt a phrouedic volyant kyt
boet eisseu arnaỽ ar talym. ny at duỽ wastat ag+
henoctit y argywedu idaỽ. Ac ỽrth hynny sef a|wna+
eth arthur kan oed eidyaỽ ef molyant y kytym+
deithoccau haelder a daeoni llunyaethu ryfel ar
saesson hyt pan vei oc eu da ỽynt ac eu sỽllt y gall+
ei kyuoethogi y varchogyon a|e telu* a|e iaỽnder a
dangossei hynny idaỽ kans ef a dylyei holl vrenhi+
nyaeth ynys prydein o wir tref tataỽl dylyed a
chynullaỽ a oruc holl ieuenctit ynys prydein. A chy+
chỽyn parth a chaer efraỽc. A phan gigleu golgrym
hynny kynnu·llaỽ y saesson ar yscotteit ar fichteit
a oruc ynteu ygyt ac ef a dyuot yn erbyn arthur
hyt yg glan dulas ac yna y periglỽys y deu lu
yn vaỽr. Ac eissoes y uudugolyaeth a gauas ar+
thur a chymell golgrim ar ffo hyt yg kaer efraỽc
a|e werchae* yn|y dinas. A phan gigleu baldỽlf a oed
a hỽe|mil o wyr aruaỽc ganthaỽ a|e wyrchae sef a
wnaeth ynteu kyrchu parth ac yno a hynny o ni+
uer gantaỽ y geissaỽ gellỽg y vraỽt kans pan
ymladassei arthur a golgrim yd oed baldỽlf ar
lan y mor yn aros dyuot geldrig tywyssaỽc
a llu gantaỽ o germania yn porth udunt. A gỽe+
dy dyuot baldỽlf hyt ar deg milldyr y ỽrth y
| « p 75r | p 76r » |