Llsgr. Caerdydd 1.363 (Hafod 2) – tudalen 42v
Brut y Brenhinoedd
42v
attaỽ yr vn hỽn yn ol y gylyd hyt pan ỽey ef e hỽn
a lladey oll. ac o hynny yd eyla·nwey ynteỽ y cre+
ỽlonder. Ac gwedy blynav ohonav gorffowys ych+
ydyc a orvc ac gorchymyn eỽ blyghaỽ yn ỽyw. ac
gwedy blyghyet eỽ loscy. Ac ym plyth hynny a phy*+
theỽ ereyll o|y dywalder a|e crevlondyr ef y doeth ac da+
mwennyỽs ryw anthyghetỽen ydav y dyal y enwy+
red arnav. Ac ysef oed hynny ryw bwystvyl a deỽth
y vrth vor ywerdon. ac ny chlywyt eyryoet kyfryv
anyveyl y crevlonder. a honno hep orffowys a ly+
nghey y tyr·dywyllodron a presswlyat ker llav y
weylgy. Ac gwedy klybot o vorỽd y chwedyl hvn+
nv ef a deỽth e hỽnan y ymlad ar bwystỽyl hỽnnỽ.
Ac gwedy trewlyaỽ o·honaỽ y holl arỽeỽ en over er
anyỽeyl hỽnnỽ a|e saỽyn yn agoret a|e kyrchvs ac
a|e llyghỽs megys pysc bychan. Gorvynyavn.
Pym meyb hagen a anadoed ydav a hynaf ona+
dỽn oed Gorỽy·nyaỽn. a hvnnv a kymyrth lly+
wodraeth y teyrnas. kanys nyt|oed yn yr amser hỽ+
nnv Gwr yav·nach noc ef na|mwy a|karey Gwyryo+
ned nac a lywey y pobyl en|karedygach. kanys gw+
astat oed y voes a|e devodeỽ a|e annyan. a dyledvs an+
ryded a taley yr dwyweỽ. ac ỽnyavn wyryoned yr
pobyl. A|thrwy holl|teyrnas ynys prydeyn templheỽ
| « p 42r | p 43r » |