Llsgr. Caerdydd 1.363 (Hafod 2) – tudalen 56r
Brut y Brenhinoedd
56r
AG gwedy llythraỽ dwy ỽlyned paratoy ey+
lweyth y lyghes a orỽc Wlkessar ỽrth ỽyn+
et tros yr eygyaỽn y keyssyav dyal y sarha+
et a|e kewylyd ar kasswallaỽn ac ar y brytany+
eyt. Ac gwedy kaffael o kasswallaỽn gwybot
bot yn wyr hynny. kadarnhaỽ y keyryd ar ke+
styll ar dynassoed. ac|eỽ hatnewydỽ yr|rey a|at+
ỽeyley onadỽnt. a gossot marchogyon arỽ+
aỽc y eỽ kadỽ a wnaeth. ac ym pob pryf porth
yn amkylch yr ynys gossot gwyr arỽaỽc a|orỽc
y|eỽ gwylyaỽ ac y eỽ gwarchadỽ. Ac eythyr
hynny ar hyt kanaỽl themys y fford yd hwy+
lyt parth|a llỽndeyn ef a perys gwneỽthỽr
polyon heyrn kyn ỽrasset a mordwyt gwr. ac
eỽ plymỽ. a gossot yr rey hynny a dan dvfyr
a phan delhynt y llongheỽ megys yd elhey yr
rey hynny trwydỽnt ac y peryclynt o hynny
Ac gwedy darỽot hynny kynnỽllaỽ n* wnaeth
kasswallaỽn holl yewenctyt yr ynys. ac yg ky+
lch yr arỽordyr arhos dyỽodedygaeth Wlkessar
AC gwedy darỽot y Wl +[ a|e lyghes kanthaỽ.
kessar paratoy pob peth o|r a oed reyt|ydaỽ
| « p 55v | p 56v » |