LlB Llsgr. Harley 958 – tudalen 56v
Llyfr Blegywryd
56v
ar gnẏỽ hỽch hẏt ym|pen ẏ ulỽydẏn. Ac ẏna
kẏfreith hỽch maỽr a|gymer. Pop peth nẏ
bo gwerth kẏfreith arnaỽ. damdỽg a|geffir ẏm+
danaỽ herwẏd kẏfreith hẏwel. Yr arglỽẏd
Rẏs uab Gruffuth uab rẏs uab tewdỽr ar·ben+
hic deheubarth trỽẏ duundeb a|e wlat a osso+
des gwerth damdỽg ar pob ỻỽdẏn. nẏt amgen
no thẏghu o|r perchen ẏ talei ẏ lỽdẏn ẏ gwerth
a|wnel arnaỽ. ac ẏ kaffei ẏna ẏrdaỽ. Y neb a
wertho moch bit ẏ·dannunt rac ẏ uẏnẏglawc
tri·dieu a|their·nos. Ac rac ẏr hualaỽc. tri mis
ac nat ẏssont eu perchẏỻ. Ac os ẏssant. atue+
ret traẏan ẏ gwerth. Ac nẏ dẏlẏ hỽnnỽ eturẏt
ẏ moch. A|bit dros dilẏsrỽẏd bẏth. O|r ỻad
moch neb dẏn. talet perchen ẏ moch alanas ẏ
dẏn ot adef ẏ moch. Dros uaed kenuein ẏ
telir. baed a hỽch o|pop parth idaỽ.
G werth kath a|lather neu a|dẏcker ledrat.
ẏ phen a ossodir ẏ waeret ar laỽr gỽas+
tat a|e ỻoscỽrn ẏ vẏnẏd; A|e dalẏ ueỻẏ tra vy+
hẏer graỽn gỽenith ẏmdanei ẏnẏ gudẏho
blaen y ỻoscỽrn. hẏn vẏd ẏ gỽerth onẏ cheffir
ẏ graỽn. dauat ulith a|e hoen a|e gỽlan os kath
a warchatwo ẏscubaỽr brenhin. Gwerth
kath araỻ. pedeir keinhaỽc kẏfreith. ẏỽ. Tei+
thi kath a|phop ỻỽdẏn ar nẏt ẏmbortho dẏnẏon
| « p 56r | p 57r » |