Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 28v
Ystoria Lucidar
28v
dolur y|dysgu vdunt chwerỽed y|poennev y
maent yn|dyuryssaỽ vdunt drỽy ev kam wei+
thredoed. Paham y|byd o|rei drỽc byỽ rei a rei o|r rei da varỽ
yn|yr ehegyr. Ac yggwrthỽynneb y|hynny rei
o|r rei da ynn biỽ ynn hir. A|rei o|r rei drỽc yn
marỽ yn|yr ehegyr. Y|rei drỽc a|edir yn vyỽ yn
hir y|ofudyaỽ y|rei gwiryon. ac y|burhav y|pe+
chodeu drỽydunt. Ac o|e poeni wyntev yn|vyỽ
rac llaỽ. Y rei da a dygir yntev yn|yr ehegyr.
y|dỽyn gỽrthỽynnebed y|byt y|vrthunt. Ac ev
gossot yn lleỽenyd tragyỽydaỽl. Yg|gwrthỽyn+
neb y|hynny hoydyl hir a|rodir y|rei gỽiryon
y|achỽanneckav eu gobrỽyeu. Ac ymhỽelut
llaỽer onadunt ar da drỽy angkreifftyev. Ar
rei drỽc a|dygir o|e|poeni y|vot aryneic ar yr e+
tholedigyonn yssyd ar gyfueilornn. ac o|e dỽyn
ar yr yaỽnn. Am detwydyt y|nep ny chyfuarffo
gỽrthỽynneb ac ef yma. Direittaf dynyon ynt.
y|rei a|gaffo y|byt hỽnn vrth ev kynghor a|e he+
wyllys o|bop peth hep wrthỽynnep vdunt. kan+
ys vn ffunyt yd ys yn meithrin y|rei hynny. y
sych byd y|ev rodi ar|y|tan. Ac yg|gwrthỽynneb
y hynny. detwydaf dynyon yỽ y|rei a|waharder
y|hewyllys racdunt yma. Ac a|gyfuarffo gof+
uut llaỽer ac ỽynt. kannys y|rei hynny megys
| « p 28r | p 29r » |