Rhydychen, Llsgr. Coleg yr Iesu 57 – tudalen 118
Llyfr Blegywryd
118
vo ki taeaỽc. pedeir keinyaỽc vyd y werth o+
nyt bugeilgi vyd. a hỽnnỽ trugeint a|dal. Os
raculaenu a|wna yr ysgrubyl y bore. a dyuot
yn eu hol y diwedyd. ac eu kychwynnu* teir
gỽeith yn|y nos. a gaỻu o|r perchen. a chymy+
daỽc uch y drỽs. ac araỻ is y drỽs kadarnhau
hynny yn wir. Costaỽc kyt bo brenhin bieiffo
neu vreyr. vn|werth vyd a chostaỽc bilaein.
Ki caỻawet. o|r ỻedir beỻach naỽ cam y ỽrth y
ty. ny thelir dim am·danaỽ. os o vyỽn y naỽ
cam y ỻedir pedeir ar|hugeint a|dal. Bitheiat
nyt oes werth kyfreith arnaỽ. kanyt oed y kyfry+
ỽ gi hỽnnỽ yn oes howel da. Gỽerth damdỽng
a vyd ar bop peth ny bo gỽerth kyfreith arnaỽ
yn yscriuenedic. O|r|kyrch ki ar dyn dodet y a+
raf y·rydaỽ ac ef. ac ot a ar yr araf yny lader
ny thelir dim drostaỽ. O|r brath ki dyn yny del
y gỽaet. perchen y ki a|dyly talu gỽaet y dyn
brathedic. ac o|r|ỻad y brathedic y ki kynn y
diangk y ỽrthaỽ. ny cheiff namyn un ar|bym+
| « p 117 | p 119 » |