Rhydychen, Llsgr. Coleg yr Iesu 57 – tudalen 167
Llyfr Blegywryd
167
deudec keinyaỽc a|dal. Hyt galan chỽefraỽr. deu+
naỽ a|dal. Hyt galan mei. pedeir ar|hugeint a
dal. Hyt aỽst. dec ar|hugeint. hyt galan racuyr
un ar|bymthec ar|hugeint. Hyt galan chwefra+
ỽr dỽy a deugeint a|dal. Hyt galan mei. wyth a
deugeint. Hyt aỽst. trugeint a|dal. kanys deu+
dec keinyaỽc a|dyrcheif arnaỽ yna. a|deudec he+
uyt pob tymor hyt galan mei. ac yna teir
blỽyd vyd. ac un ar|bymthec a phedwar uge+
int a|dal yna. ac y dylyir y daly. a|phan|dalyer
ugeint a|dyrcheif ar y werth. a|phedeir keinya+
ỽc cotta pan ffrỽyner. ac ueỻy chweugeint a
dal. Amỽs a|basger mis a|hanner punt a|dal.
Palffrei. morc a|dal. Rrwnsi. chỽeugeint a|dal.
Sỽmeruarch. pedwar ugeint a|dal. Raỽn am+
mỽs y maes o|r goloren. pedeir ar|hugeint a|dal.
O|r torrir dim o|r goloren. gỽerth yr amỽs a|de+
lir oỻ. ỻygat amỽs. a|e glust. pedeir ar|hugeint
a|dal pob un ohonunt. O|r deỻir oỻ. y werth oỻ
a|delir drostaỽ. Raỽn rỽnsi. deudec keinyaỽc a|dal.
| « p 166 | p 168 » |