Rhydychen, Llsgr. Coleg yr Iesu 57 – tudalen 264
Llyfr Blegywryd
264
neu yr na aỻo dyuot idaỽ. os drỽy detryt gỽ ̷+
lat y|dichaỽn ymdiheuraỽ e|hun. Dirgel yỽ
pob dadyl gwaranrỽyd o anyan kyfreith
dioet lunyedic hyt ar|berchenogaeth tir a ̷
daear. Ac yna y|disgyn yg|kyfreith gyffredin
pob ymadraỽd o|amrauael deaỻ. y|dyỽedỽyda ̷+
ỽdyr bieu y deaỻu. dyeithyr ỻe retto medyant
ar|da dyn y araỻ trỽy y eireu tywyỻ e|hun.
O |r deruyd y dyn gỽan dyn araỻ a|saeth
trỽydaỽ. ac ar|y ehedecua mynet yn
araỻ. Jaỽn yỽ talu eu galanas yỻ|deu o|r|byd+
ant veirỽ. ac nyt iaỽn talu sarhaet namyn
y kyntaf. O deruyd bot Mab y wreic vut.
nyt reit y genedyl y tat y vot yn eidunt.
Gỽedy bo marỽ y uam ef e|hun a|eiỻ ymyrru
ar|dywedut y vot yn vab o|r|genedyl. a|gỽedy
hynny reit uyd ae gymryt ae wadu. O|der+
uyd geni dyn ac aelodeu gỽr ac aelodeu gỽre+
ic ganthaỽ. ac yn petrus pa ardelỽ o|r deu o|r
deu a|vo ganthaỽ. Jaỽn yỽ edrych pa aruer
o|r|deu a|vo ganthaỽ. neu yd|aruero o·honaỽ
| « p 263 | p 265 » |