LlGC Llsgr. Llanstephan 27 (Llyfr Coch Talgarth) – tudalen 104v
Y Groglith
104v
ynys bont a oed raclaỽ yna. A phan|weles ef Judas y gỽr a|e rod+
assei ef udunt ỽy panyỽ gỽr dihenyd uydei Jessu. O ediuarỽch
y duc ef y dec ar|hugeint y dywyssogyon yr offeireit a|r hen+
afyeit drachevyn. a menegi udunt ry bechu o·honaỽ gan
rod gỽaet gỽirion. Pa|beth heb ỽy a|berthyn arnam ni o
hynny. ti a wely. a bỽrỽ a|oruc ef yr aryant yn|y demyl ac ym+
grogi e|hun. A gỽedy kymryt o dywyssogyon yr offeireit yr
aryant. y dywedassant. Nyt kanyat ynni rodi yr aryant
hỽnn yn|ỻestyr kyffredin. kanys gỽerth gỽaet yỽ. A gỽedy
ymgyngor ohonunt y prynassant o·honaỽ tir crochenyd y
gladu aỻtudyon yndaỽ. ac yr hynny hyt hediỽ y gelwir
y tir hỽnnỽ yn|eu hyeith ỽy achelmedac. Sef yỽ hynny tir
y gỽaet. ac yna y kỽplaỽyt yr ymadraỽd a|dywaỽt Jeremi+
as broffỽyt. Sef ymadraỽd oed. Wynt a|gymerassant dec ar
hugeint aryant. kywerth y gỽerthỽyt ac y prynỽyt y gan
ueibyon yr israel. ac y rodassant hỽnnỽ yn|tir crochenyd
megys y menegis yn|harglỽyd ni duỽ udunt. Ac yna y
safaỽd iessu rac bronn y raclaỽ. ac y gouynnaỽd y raclaỽ
idaỽ ae efo oed vrenhin yr|Jdewon. Ti a|e dywedeist heb·yr
Jessu. ac yr y guhudaỽ o dywyssogyon yr offeireit a|e|hyneif
nyt attebaỽd dim. Ac yna y dywaỽt pilatus. Pony chlyỽy
di y saỽl tystolyaeth y maent ỽy yn|y dywedut y|th erbyn
di. ac nyt attebaỽd iessu o vn geir. ual y bu ryued iaỽn gan
y raclaỽ. Ac yn dyd honneit uchel yd oed defaỽt gan y rac+
laỽ gadu y|r bobyl yr vn carcharaỽr a|dewissynt. ac yd|oed
yna ganthaỽ garcharaỽr araỻ barran y enỽ. ac a|dugassit
y|r karchar am lad kelein ohonaỽ. a|gỽedy ymgynnuỻaỽ y+
| « p 104r | p 105r » |