Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 154v

Deall Breuddwydion

154v

Gỽelet yn yfet dỽfyr oer. Jechyt a|arỽydockaa. 
Gỽelet araỻ yn dỽyn gorderch yn ỻathrut. Marỽolaeth a|arỽydockaa.
Gỽelet. baryf hir ar dyn. ehalaethrỽyd a arỽydockaa. 
Gỽelet ych gỽynn. enryded a arỽydockaa. 
Gỽelet. eiỻyaỽ penn neu y gneifyaỽ. coỻet a|arỽydockaa. 
Gỽelet aniueileit yn|dywedut. teruysc a|arỽydockaa. 
Gỽelet yn bỽyta emenyn. kennat da a|arỽydockaa. 
Gỽelet yn redec yn da. ỻewenyd a|arỽydockaa. 
Gỽelet. ychen yn ymlad a|thi. anghyfeiỻon a|arỽydockaa. 
Gỽelet yn gỽisgaỽ ỻaỽdyr. enryded a|arỽydockaa. 
Gỽelet yn yfet ỻaeth. da a|arỽydockaa. 
Gỽelet yn ymlad ac arueu. anghyfeiỻon yn irỻonydu a|arỽydockaa.
Gỽelet breicheu bras. gaỻu yn gorỻỽydyaỽ a|arỽydockaa. 
Gỽelet. kymryt coron brenhin. ỻewenyd a|arỽydockaa. 
Gỽelet ỻad dy benn. dy dwyn o|th deilyngdaỽt a|arỽydockaa. 
Gỽelet. eiỻyaỽ dy varyf. coỻet a|arỽydockaa. 
Gỽelet dy vot yn vleỽaỽc. gorỻỽydyant a|arỽydockaa. 
Gỽelet dy benn yn wynn. enniỻ a|arỽydockaa. 
Gỽelet. golchi dy benn. dy rydhau o bop perigyl a|arỽydockaa. 
Gỽelet noethi dy benn. coỻet a|arỽydockaa. 
Gỽelet. gỽisgaỽ archenat newyd. enniỻ a|arỽydockaa. 
Gỽelet yn gỽisgaỽ hen archenat. coỻet a|arỽydockaa. 
Gỽelet. kỽn y|th gyfarth  y|th uolestu. anghyfeiỻon a arỽydockaa. 
Gỽelet yn kaffel em  y vonhedic. 
Gỽelet yn ỻad estraỽn clefyt a|arỽydockaa. 
Gỽelet heul yn echtywynnu. ỻewenyd braỽdyr. a|arỽydockaa. 
Gỽelet ỻawer o syr. Gaỻu a|arỽydockaa.