LlGC Llsgr. Llanstephan 27 (Llyfr Coch Talgarth) – tudalen 27r
Ymborth yr Enaid
27r
Ymdyrchauel neu anwiỽder yỽ ymragori ar eiryeu. neu
weithretoed. neu wisgoed rac ereiỻ. a|hynny gan eu trem+
ygu. anostỽng yỽ an·ymchoel medỽl a|drudannyaeth y
darostỽng y weỻ neu bennach noc ef. Drudannyaeth yỽ
hirdricyat medỽl ar y drỽc. Ymwychyaỽ yỽ; na odefer neb
yn vch nac yn gyfrad. Kynhennu neu ymserthu yỽ ỻefaỽr
a|bloedgar gyngheussed yn erbyn y wirioned. anodef yỽ
anwahard teruysgus gyffro gỽyỻtineb medỽl heb y ffrỽy+
naỽ. An·vuuddaỽt yỽ. an·ostỽng y brelatyeit neu y uchaf+
yon ar y kymenediweu. Tremyc yỽ gỽeỻygyaỽ neu waỻ+
us ebryvygu gỽneuthur yr|hynn a|dylyer y wneuthur
yn rỽymedic. Rac·ymgymryt yỽ. gomed dylyedus anry+
ded y brelatyeit neu y henafyon. Keỻweir yỽ afreolus
ymgeinyaỽ kewilydyus drỽy chwaryus wattwar. ac yn
bennaf pan|wneler hynny yn erbyn y creaỽdyr. Geugre+
vyd yỽ. kudyaỽ gỽarchaedigyon wedieu drỽy gam·ar+
dangos nerth·ussyon gampeu heb eu bot. Traỻauary+
aeth neu draỻyvyrder yỽ. ardangos ysgaỽnrỽyd medỽl
drỽy ormod oỻỽng tra gorwacyon ac yn·vytyon barablev.
Tra achub yỽ. trachwant y gael anryded yr clot tranghe+
dic. Gorwacrỽyd neu glot|orwac yỽ. gỽydyus oruoled am
gampeu ny bont arnaỽ. neu am y rei a|vont gan y
ganmaỽl e|hun. heb rodi molyant y duỽ amdanunt.
T Raether beỻach am anghaỽrdeb a|e geingkeu.
Anghaỽrdeb yỽ. tra·gormod chwant o dra·chebydy+
aeth y gynnuỻaỽ da bydaỽl. heb didarbot pa delỽ y kaffer.
a|e gynnal yn amperffeith heb rodi y gormodyon y|r
| « p 26v | p 27v » |