LlGC Llsgr. Llanstephan 4 – tudalen 10r
Chwedlau Odo
10r
y dywaỽt Reinyard. Na vit arnat vn
pryder mi a|dangossaf ytt yn|da|digaỽn pa
vod y dihengych racdunt. ac ar vrys na+
chaf yr helyỽr a|e gỽn yn agos udunt yn
eu hymlit yn|daer. Ac yna y dywaỽt Rein+
yard ỽrth Tibergus. Yn wir ny chanlynaf|i
dydi yn hỽy mi a|arueraf o|m keluydyt
vy|hun. ac ar|vrys neidyaỽ y brifdar
vchel a|dringyaỽ hyt y blaen. ac odyno
edrych tremynt. Ac yna yn|y ỻe nachaf
y kỽn heb synnyeit ar|y cath dyeithyr
ymlit Reinyard ac heb ohir yn|y daly.
Rei ohonunt geruyd y benn. ereiỻ yn|y
vynỽgyl. ereiỻ yn|y gefyn. ac ueỻy y
dryỻyaỽ y·ryngthunt. Ac yna tibergum
ymblaen y prenn yn|diogel ac yn diofyn
a|dywaỽt o|e laỽn ỻef. Reinyard reinyard
agor dy got yn|dilys dy hoỻ geluydodeu
ny thalant ytt vn wy. Y cath a|arỽydoc+
caa y rei mul gỽiryon didrỽc ny vedrant
namyn vn geluydyt. Sef yỽ honno cre+
du y|r gỽir duỽ ac arỽein buched didrỽc
yn|y byt hỽnn hyt ar|deruyn eu buched
ac angheu. ac yna y nefoed y gael buched
dragywyd sine fine. Reinyard gatno yn+
teu a|arỽydoccaa y kyfreithwyr enwir a|r
| « p 9v | p 10v » |