LlGC Llsgr. 20143A – tudalen 114v
Llyfr Blegywryd
114v
eneit. Oes hyd. A|oes vn lle y bo eneit·vadeu
lleidyr gỽerth kyn y didor. oes. pan varnher
dyn yn lleidyr gỽerth. ac na|mynho ym pe+
nn o·honaỽ. ac ef yn gallu ym prynu kyfreith
a uarn y dienydyaỽ. A|oes vn dyn a|uo llei y
sarhaet noc un caeth. Oes y verch; kynn gỽr+
ha odeni. A oes vn lle y barher* reith ar dyn ar
ledrat yn|llaỽ. a|r perchennaỽc yn baraỽt y
dam·dỽg. Oes yny kollo dall da a|e ordiỽes yna
y bernir reith arnaỽ. A oes deu uroder ny dy+
lyo mỽy noc un. Oes o|r genir deu vab y·n un
torllỽyth ny dylyant namyn kymeint ac un
A|oes a dylyho galanas heb y chyfrannu ar ga+
uel. O·es Arglỽyd am ynnvyt a|ynnvyto v
vab ac a ỽrthotter arnaỽ yna y telir galanas
yn dirrann. A oes vn lle y barnher oet ar
ledrat yn llaỽ heb ardelỽ un o|r tri ardelỽ ky+
freithaỽl. Oes gỽreic veichaỽc kyny dyma|r
delỽ o vn o|r tri ef a|dylir rodi oed idi yny ag+
ho kany dylyir dỽyn y deu eneit am ledrat
yr vn dyn. A|oes vn lle y dylyo estraỽn talu
galanas ar car heb y dalu. Oes yny dygỽs
galas* ar dyn a|chynn dyuot yr oet y do
y dỽyn y tat arall yna y dyly y genedyl
| « p 114r | p 115r » |