LlGC Llsgr. 3035 (Mostyn 116) – tudalen 105r
Brut y Brenhinoedd
105r
nifer honno. A| mynet o·dyno hyt yn ỻundein. Ac yno ga+
lỽ attaỽ a oruc hoỻ wyrda y| teyrnas. yscolheigyon a| ỻey+
gyon. Ac ym·gygor ac ỽynt beth a wnelhynt am hynẏ
Sef a gaỽssant o gygor y kỽnsli hỽnỽ. Anuon kenadeu
a orugant hyt ar hỽel vab emyr ỻydaỽ brenhin brytaen
vechan. Y venegi idaỽ yr ormes a dathoed gan y| pagan+
yeit ar ynys prydein. kanys nei vab y| chwaer oed hỽel
y arthur. A gỽedy clybot o hỽel y| ryfel a| r afflonydỽch
a oed ar y ewythyr erchi paratoi ỻyges. A chynuỻaỽ pym+
theg| mil o varchogyon aruaỽc Ac ar y gỽynt kyntaf
a gafas yn y| ol y deuth y borth hamỽnt y| r tir y ynys. prydein.
Ac arthur a| e haruoỻes ynteu o| r enryded ẏ| gỽedei ar+
uoỻ gỽr kyfur* a hỽnnỽ. Ac yn vynych ymgaru pop e+
ilwers Ac odyna gỽedy ỻithraỽ ychydic o| dieued ỽynt
a gyrchassant parth a chaer lỽytcoet yr hon a elwir
lincol yr aỽr hon ac yssyd ossodedic yn| y wlat a elwir
lindysei ar pen mynyd rỽg dỽy afon Ac ỽrth y| gaer
hono yd oed y| paganyeit yn eisted. A gỽedy eu dyuot
yno ygyt Ac eu hoỻ niueroed. y ymlad a orugant a| r
saesson Ac a·glywedic aerua a| wnaethant ohonu. kanys
whe| mil o·nadunt a dygỽydassant yn yr vn dyd hỽnỽ
rei oc eu ỻad. Ereiỻ oc eu bodi a goỻasant eu henei+
deu Ac ỽrth hyny y rei ereiỻ yn gyfflaỽn o ofyn adaỽ
y| dinas a orugant. A chymryt eu fo yn ỻe diogelỽch
vdunt Ac ny orfowyssỽys arthur oc eu hymlit hyt
yn ỻỽyn kelydon. Ac yno ym·gynuỻ o| pop ỻe oc eu fo
a orugant a medylyaỽ o·dyno gỽrthỽynebu y arthur
Ac odyna gỽedy dechreu ymlad. ac aerua a wnaeth+
ant o| r brytanyeit gan eu hamdiffyn e| hunein yn
ỽraỽl. Kanys o| wasgaỽt y gỽyd yn eu kanhorthỽy
| « p 104v | p 105v » |