LlGC Llsgr. 3035 (Mostyn 116) – tudalen 28r
Brut y Brenhinoedd
28r
a|thi dywet ỽrthaỽ yn gaỻ ry dỽyn Antigonus ohonat
o|garchar brutus a|e rydhau ohonot a|e adaỽ ohonat
y|myỽn glyn dyrys coedaỽc heb aỻu y dỽyn hỽy no
hẏnẏ rac trymet yr heyrn a oed arnaỽ. a gỽedy dẏ+
wettych hẏnnẏ dỽc ỽynteu attaf i. mal y|gaỻỽyf eu
kaffel ỽrth vy ewyỻys. ~ ~ ~ ~ ~ ~ ~
A c yna gỽedy gỽelet o anacletus y|cledyf noeth vch y
ben a|r geireu a|dywedei y|gỽr yn|gogyuadaỽ y|ageu
adaỽ a|wnaeth gan tyghu ỻỽ gỽneuthur hẏnnẏ
gan rodi y eneit idaỽ ac y antigonus y gedymdeith.
a gỽedy kadarnhau yr aruoỻ yrygtunt pan deuth
yr eil aỽr o|r nos kychwẏn a wnaeth anacletus parth
ac ar y|ỻu. a gỽedy y dyuot yn agos y|r ỻu nachaf
y|gỽylwyr o|pop parth yn|y arganuot ac yn ymgyn+
nuỻ am y ben Ac yn gofyn idaỽ pa ansaỽd y|kaỽssei
dyuot o garchar brutus a|dywedut a|wnaeth ynteu
nat yr kyrchu a|brydychu y dothoed namyn ry dianc
o|greulaỽn garchar gỽyr tro. ac y erchi vdunt ỽynteu
dyuot y·gyt ac ef hyt y ỻe yd oed antigonus yn ỻechu
gỽedy y dỽyn ohonaỽ o garchar brutus. hyt yno kany
aỻassei y dỽyn beỻach no hẏnẏ rac pỽys yr heyrn
Ac val yd oed rei onadunt yn amheu beth a dywedei
ae gỽir ae geu nachaf vn o|r gỽylwyr yn|y adnabot.
ac yn menegi hynnẏ o|e getymdeithon Ac yna heb pe+
drussaỽ galỽ y gỽerssyỻeu a|wnaethant a|mynet y·gyt
ac ef hyt y|ỻe y dywedassei ry adaỽ y getymdeith a gỽe+
dy eu dyuot hyt yno. kyuodi a|wnaeth brutus a|e vy+
din gyt ac ef yn|aruaỽc ac eu ỻad yn ỻỽyr. Ac odyna
kerdet a|oruc parth ac ar y|ỻu a ranu y lu yn teir bydin
a gorchymyn y|baỽb kerdet yn dawel a|chyrchu o|pop
| « p 27v | p 28v » |