LlGC Llsgr. Peniarth 11 – tudalen 102r

a|e gelwis drachevyn. Ac a|dywaỽt. kanys wyt chwannaỽc di y

dyuot y myỽn. ef a|uyd reit ytti dywedut dy henỽ. Arglỽyd heb

ynteu o lys arthur y deuthum i. ac ector o|r korsyd y|m gelwir. a  ̷

braỽt ỽyf y laỽnslot dy|lac. Myn vyng|cret heb y marchaỽc o|r  ̷

ỻys mi a|th atwaen weithyon. ac am hynny tristach ỽyf noc  ̷

yr oedỽn gynneu. kanys yna ny didorỽn j haeach o·honat. ac  ̷

yr aỽr·honn y mae drỽc gennyf dy hynt. o achaỽs laỽnslot dy

vraỽt yr hỽnn yssyd yma y|myỽn. Pan|gigleu ector vot y

vraỽt yno yr hỽnn mỽyhaf o|r|hoỻ vyt arnaỽ y ovyn rac meint

y karei. ef a|dywaỽt. Och duỽ heb ef yr aỽrhonn y mae vyng|ke+

wilyd i yn dỽblaỽ ym. kanys beỻach ny bydaf kyn hyet j ac y

ỻyfasswyf dyuot geyr bronn vym|braỽt. kanys paỻaỽd arnaf

dyuot y|r ỻe y deuei y gỽyrda. yr aỽr·honn y gỽnn j vot yn wir a

dywaỽt ỽrthyf yr hỽnn a|hyspyssaỽd ymi ac y walchmei yn breudỽ+

ydyon. Ar hynny yr ymchoelaỽd ector ymeith drỽy berued y dref

a|r casteỻ. A|phan|weles y niuer o|r casteỻ hynny ỽynt a|griassant

arnaỽ dan emeỻdigaỽ yr aỽr y ganet. a|e alỽ yn uarchaỽc urda  ̷+

ỽl drỽc paỻedic. ac ynteu yn gymeint y gewilyd ac y mynnei y

uarỽ. Ac ueỻy y marchockaaỽd ef yny doeth y|r fforest. ac y|r ỻe

tewaf arnei y kyrchaỽd ef. A|r marchaỽc araỻ ynteu a|doeth

o|r ffenestyr att laỽnslot. ac a|dywaỽt idaỽ y chwedleu am y vraỽt.

Ac am hynny y bu yn gyn dristet ac yr adnabu baỽp arnaỽ am

welet y dagreu yn redec ar|hyt y wyneb y|r ỻaỽr. ac ediuar vu

gan y marchaỽc dywedut idaỽ dim o|r a|dywedassei. Ac yr aỽr y

daruu udunt vỽyta laỽnslot a|erchis dỽyn y arueu idaỽ. kanys

tu a|ỻys arthur y mynnei vynet. ỻe ny buassei yr ys|talym. Ac