LlGC Llsgr. Peniarth 11 – tudalen 162v
Ystoriau Saint Greal
162v
hyt y fford herlotwas ar gevyn hacknei. ac y·ryngthaỽ a|r
goryf yd|oed tỽrch coet yn uarỽ. Yna y|marchaỽc a|r daryan
werd idaỽ a|ovynnaỽd y bỽy yd oed gỽr ef. Ac ynteu a dywa+
ỽt panyỽ gỽr oed ef y arglỽyd casteỻ gladonius. ac y|mae
ynteu yn|dyuot y|m ol i. ar y drydyd o|varchogyon vrdolyon
yn aruaỽc. kanys braỽt gladonius yssyd yn|y vegythyaỽ
ef o achaỽs y vraỽt. eissyoes nyt maỽr iaỽn y ovyn ef yr
hynny. Yna laỽnslot a gigleu panyỽ gelyn y marchaỽc a|oed
yn dyuot yn eu|hol. yna y marchaỽc a|r daryan werd a
dangosses y elyn yr aỽr y gỽeles. ac a|dywaỽt ỽrth laỽnslot.
Arglỽyd heb ef. weldy racco y gỽr yssyd y|m didreftadu i. ac
ef a|wnaei ym waeth no hynny pei gỽypei varỽ vy|mra+
ỽt. Yna laỽnslot heb dywed·ut mỽy pan y gỽeles ef yr arglỽ+
yd. ef a vrathaỽd y varch yn|y erbyn a dỽy yspardun. Ac y+
na y marchaỽc urdaỽl a doeth yn|y erbyn ynteu. ac a|ym ̷+
gyhyrdassant o nerth traet eu meirch yny dorrassant eu
pelydyr. namyn y marchaỽc o|r casteỻ a syrthyaỽd dros
bedrein y varch y|r ỻaỽr. a|laỽnslot yna a|disgynnaỽd. ac
a dynnaỽd y gledyf. a|r marchaỽc a|erchis y naỽd. ac a|o ̷+
vynnaỽd y laỽnslot paham y keissyei y|lad. ac yna laỽnslot
a|dywaỽt panyỽ o achaỽs gladonius. yr hỽnn y dugost
y gasteỻ a|e dref·tat y ganthaỽ. Beth a|berthynei efo yti
heb ef. y gymeint araỻ ac a|berthyn ynteu y|minneu.
Yna laỽnslot a|dorres y benn ef. ac a|e roes y|r marchaỽc.
Dywet ym beỻach heb·y laỽnslot. kanys marỽ yỽ. ~
a|wneuthum i dy ewyỻys di. Gỽnaethost arglỽyd heb
ef.
| « p 162r | p 163r » |