LlGC Llsgr. Peniarth 11 – tudalen 196v
Ystoriau Saint Greal
196v
y gỽassanaeth hỽnn o|r meirỽ. a|phonyt dros y neb yssyd
yna y gorugost di y gỽassanaeth hỽnn. Gỽir yỽ heb y
meudỽy y gỽassanaeth hỽnn a|wnaethpỽyt rac eneit ỻa+
cheu uab arthur yr|hỽnn a|gladwyt racko. Ae yma heb+
y paredur y bu uarỽ ỻacheu. Yn ymyl hynn heb ef y ỻas
ef. Pỽy a|e ỻas ef heb·y paredur. Mi a|e dywedaf ytt heb
y meudwy. y tir a|weleist di yngot gỽedy y diua. yno y
gnottaei vot kaỽr creulonaf o|r|byt. a mỽyaf. ac ny ly+
uassei neb drigyaỽ yn|y wlat y·gyt ac ef. ac ueỻy y dis+
trywaỽd ef y wlat ual y gỽeleist di. ỻacheu a gychwynna+
ỽd o|lys arthur. y geissyaỽ anturyeu. ac a|doeth y|r fforest
honn yma. drỽy ewyỻys duỽ. ac a|ymwanaỽd a logrin
gaỽr. ac o|r diwed ỻacheu a oruuw
A Ruer ryued a|oed ar lacheu. pan ladei neb ryỽ or+
mes yna y kysgei ar y warthaf. ac ar warthaf y
kaỽr y kysgaỽd ef. ac ar hynny y doeth marchaỽc ur+
daỽl yr hỽnn a|elwit kei. ac a oed yn keissyaỽ anturyeu
heuyt. ac a|gigleu diaspat y kaỽr pan roet idaỽ y dyr+
naỽt marỽaỽl. a thu ac yno y doeth ynteu gyntaf ac
y gaỻaỽd. ac arganuot ỻacheu yn kysgu ar|warthaf y
kaỽr. Ac yna tynnu cledyf a|oruc kei a|thorri penn ỻach+
eu. a chymryt y corff a|r penn a|oruc ef a|e roi myỽn
kist vaen a|oed yno yn|y ymyl. a|dryỻyaỽ y daryan rac
y hadnabot. a gỽedy hynny ef a dorres penn logrin ga+
ỽr yr|hỽnn a|oed angkyuartal o veint. ac a|e croges ~
ỽrth y gorof vlaen o|e gyfrỽy. Ac odyna efo a|aeth y lys
arthur. ac a|dangosses y penn y arthur. A ỻawen vu gan
| « p 196r | p 197r » |