LlGC Llsgr. Peniarth 11 – tudalen 266v
Ystoriau Saint Greal
266v
Paredur a|weles y gỽr yn vedylgar ac yn ucheneidyaỽ bop
aỽr. Arglỽyd heb·y paredur ef a|welir ymi nat ỽyt lawen|di.
Gwir yỽ heb y marchaỽc kanys ef a|las braỽt ym yn|ymyl
y fforest dovyn nyt peỻ o amser. ac am hynny ny aỻaf|i vot
yn ỻawen vyth kanys ˄gỽr da kywir oed. A vnben heb·y paredur
a wdost di pỽy a|e|ỻadaỽd ef. Gỽnn arglỽyd heb ynteu. seith
o varchogyon aristor. am y vot yn marchogaeth march a vu+
assei eidaỽ aristor yr hỽnn a|daroed y uarchaỽc araỻ y lad.
a meudỽy a|rodassei y march y|m braỽt. kanys ỻew y march+
aỽc urdaỽl coch a|anauyssei march vy mraỽt i. Ny bu la+
wen iaỽn gan baredur dim o|r chwedleu. kanys efo a archas+
sei y|r marchaỽc vynet y gyrchu y march. A vnben heb·y pare+
dur mi a|debygaf na|haedassei dy vraỽt ti dim o|e anghev. ka+
nys efo a|ladyssei y marchaỽc. Mi a|wnn hynny heb y gỽr
marchaỽc araỻ a|ladaỽd y marchaỽc. a|r marchaỽc coch he+
uyt. Tewi a|wnaeth ar hynny. ac yno y nos honno y kysga+
ỽd ef. A thrannoeth y bore ef a|gerdaỽd ymeith yny doeth y
dy meudỽy. yn|y ỻe y gỽerendewis ef offeren. a gỽedy offeren
y meudỽy a|doeth attaỽ ac a|dywaỽt. Arglỽyd heb ef y mae ~
marchogyon yn|y fforest honn yn|gỽylyat am uarchaỽc ur+
daỽl. yr hỽnn a|ladaỽd aristor a|r marchaỽc coch a|r ỻeỽ hefyt
ac ny chyuaruuant a neb nys|ỻedynt yr hynny hyt hediỽ o
achaỽs y marchaỽc hỽnnỽ. Duỽ a|m diango heb·y paredur
rac kyuaruot a mi neb o|r|a|bucho chweith drỽc ym. Ef a
| « p 266r | p 267r » |