LlGC Llsgr. Peniarth 15 – tudalen 19

yna ẏ|kawssant ẏ|gan dvw dwẏ ffynnawn ac a|elwir hẏt hediw ffẏnnawn

gwestlan a ffynnawn elivd a|r krvpleit a|r deillẏon a|r kleifyon a|gyffynt

waret ẏn|ẏ dwẏ ffẏnnawn hẏnnẏ ac ẏnẏsc* hẏnnẏ oed aẏdan sant

ẏn|ẏ eglwẏs e|hvn ẏn dinas gwervin yn gwediaw nyt amgen nos

pasc nachaf angel yr arglwẏd yn dyvot attaw ac ẏn dẏwedvt wrthaw

Tẏdi|wrda gwynuẏdedic ponẏ wdost|i heb ef yr hẏnn ẏd ẏs ẏn|ẏ darparw

ẏ|davẏd sant dẏ athro di ẏ|glyn rosin na|wn dyoer heb yr aeẏdan heb yr

angel nevr dẏrẏw ẏ|tri o|e|dẏlẏwẏth* o|r vanachlok gwnnevthvr ẏ|vrat nys* am+

gen dodi gwenwyn ẏ mẏwn bara a|r bara hwnnw a|rodir idaw ef avorẏ o|e

vwẏtta wrth hẏnnẏ anvon gannat hẏt At dẏ athro ac arch idaw

ymoglẏt ẏ bara a|r gwennwyn yndaw Sef a|orvc y sant tristav ac

wylaw arglwyd heb ef pa|delw yr anvonaf|i gannat ẏno mor vẏrr yr

oet Ac ẏmae* nẏt oes long ẏn barawt val y|galler ẏ chaffel anvon heb

yr angel dẏ|gẏt·disgybyl nẏt amgen scuthẏn hẏt y|traeth A|mi a|baraf idaw

vẏnet drvod Sef a|orvc scuthẏn yn llawen gwnevthvr ẏr oedit ẏn|ẏ erchi

idaw a|dẏvot ẏ|tv a|r traeth a|cherdet ẏn|ẏ dẏfvyr racdaw ẏnẏ doeth ẏ|dwfvyr

idaw hẏt e |linnyev ac yn deissẏvyt llẏma anghenvil o|r mor ẏn|ẏ gẏmrẏt ar

ẏ|gẏvyn ac yn mẏnet ac ef drwod ẏnẏ|v·v|ar|tir arall ac erbyn hannor*

dẏd dvw pasc yr oed ef ẏgẏt a|e athro ac val yr oed dewi yn dẏvot a* o|r

eglwẏs gwedẏ offerennev a|gwedẏ pregethv y|r holl vrodẏr nachaf ẏ|gwelei

ef ẏ|gannaf* yn kẏvarvot ac ef ẏn|ẏ lle a|elwir ved yscolan Sef a|orvc dewi

yna vot yn llawen wrthaw a|mẏnet ẏ|dwẏlaw mẏnwgyl idaw Ac amo+

vẏn ac ef am anassawd* maẏdawc sant ẏ|disgẏbyl a|mawr y|carei dewi y

disgybyl a|gwedẏ darvot y|r gennaf* menegi idaw ef o|gwbyl ansawd mayda+

wc ẏ|disgybyl galw a|orvc scuthẏn dewi attaw ar neilltv a|datkann idaw

y|gennadwri a|megẏs a|r mod ẏ|dẏwedassei yr angel wrth vaẏdawc sant

Sef a|orvc dewi yna kẏnnhewi a|medẏlẏaw a|dẏwedvt diolwch mawr

y|dvw a|dẏvot racdaw y|r vanachlok a gwedẏ eiste pawb ẏn|ẏ mod ẏ|dẏlẏent

gwedẏ darvot ẏ|gras kẏvodi a|orvc ẏ|diagon yr hwn a|wnna a*|wassannaeth

ar|davẏd ẏ|wassannaethv a|r bara gwennwẏnic gantaw Sef a|orvc scvthyn

kyvodi ẏ|vẏnẏd a|dẏwedvt tidi heb ef nẏ vassanaeth di|hediw Mivi heb yr scu+

thẏn a|vyd gwassanaethwr hediw Sef a|orvc hwnnw menẏt* y|eiste a|syn+

yaw aritaw* ẏn vawr ef a|wẏdẏat ẏ|kẏvared a|oed ẏn|ẏ vẏdwl Ac ẏna y

kymerth dewi y bara gwennwynic a|e rannv yn teir ran A|rodi vn y|ast

a|oed yn sevyll allan odieithyr y|drws a|r awr ac ẏ|llewas yr ast y|bara y|bv

aallmarw* ac ẏ|syrthẏawd ẏ|blew oll yn enkẏt y|trawẏt yr amrant ar y llall

A|throri* y|chroen y|amdenei a|sẏrthaw y holl perved y|r llawr Sef a|orvc

ẏr holl vrodẏr pan welsant hẏnnẏ sẏnnẏaw yn vawr arnvnt Ac yna