LlGC Llsgr. Peniarth 190 – tudalen 35
Ystoria Lucidar
35
Paham na mynnaỽd ef. na|dysgu na gỽ+
neuthur gỽyrtheu yny vu deng|mlỽyd ar
hugeint. Magister Yr rodi angkreifft y baỽp yn|y
byt hỽnn na|dysco yny del yr oedran dedua+
ỽl hỽnnỽ. discipulus Paham y kymerth ef vedyd ac
ef yn gyflaỽn o rat a dwyỽolder Magister Yr kysse+
gru y dỽfyr y·nni. discipulus Paham y bedydywyt
ef yn|y dỽfyr. Magister|Am vot y dỽfyr yn wrthỽy+
neb y|r tan. a|megys y diffyd y dỽfyr y tan.
veỻy y diffyd y pechaỽt yn|y bedyd. a pheth a+
raỻ heuyt yỽ. y dỽfyr a wylch pob peth bu+
dyr. ac ef a|diffyd sychet. ac a welir gỽasgaỽt
yndaỽ. veỻy y gỽylch rat yr yspryt glan
budred y pechodeu drỽy y bedyd. a dileu sych+
et yr eneit a|wna o eir duỽ. a chysgaỽt duỽ
a|e delỽ a welir pan ymadaỽher a|r pechodeu.
discipulus A oed dec iessu herỽyd anyan. Magister|Kyn|decket
oed ac yd ymdangosses yn|y mynyd. discipulus Paham
y bu uarỽ crist. Magister|O achaỽs ufuddaỽt. megys
y|dywedir. Ef a|vu ufud hyt yn angeu. discipulus A
erchis y dat idaỽ ef varỽ. Magister Nac erchis. discipulus
| « p 34 | p 36 » |