LlGC Llsgr. Peniarth 31 – tudalen 14r
Llyfr Blegywryd
14r
uyd y ebediỽ. Y guastraỽt a dyly caffel kyf+
rỽy peunydaỽl y brenhin a|e ystarn a|e ffrỽyn.
a|e hossaneu lledyr a|e ysparduneu a|e gapan
glaỽ pan peito y brenhin ac ỽynt. March y
pen gwastraỽt a uyd rỽng march y brenhin
ar paret. Medyd a geiff trayan y cỽyr a tyn+
her o|r kerỽyneu med. kanys y deu parth a|ren+
nir yn teir ran. Y dỽy ran yr neuad. Ar tryded
yr ystauell. Y coc a geiff crỽyn y deueit ar ge+
iuyr a dihynnyon y gallaỽr.
PEn kerd y wlat a dyly caffel gobreu
merchet y kerdoryon a uỽynt y danaỽ.
Ac a dyly caffel kyuarỽs neithaỽr o pop mo+
rỽyn pan ỽrhao. nyt amgen pedeir ar|hugeint.
Ny henyỽ y pen kerd o rif y sỽydocyon llys. Pan
vynho y brenhin warandaỽ kanueu; kanet
y pen kerd deu ganu idaỽ ygkynted y neuad.
vn o duỽ. ac arall o|r brenhined. kanys ef a dy+
ly dechreu kerd yn llys. Ar bard teulu a dyly
canu y trydyd canu is kynted y neuad. Pan
vynho y vrenhines kerd o|e guarandaỽ yn|y
hystauell; canet y bard teulu idi tri chanu o
gerd angaỽ trỽy lef kymetraỽl. megys na
| « p 13v | p 14v » |