LlGC Llsgr. Peniarth 31 – tudalen 16r
Llyfr Blegywryd
16r
ar mayn issaf o|r vreuan. ar dulin oll. ac o|r yt
y do nessaf yr llaỽr. Ac o byd y yt heb uedi. ef a ge+
iff y talareu oll. ar ieir ar catheu ar bỽeill. Ef a
geiff torth a|e henllyn ym pop ty y del ar|neges y
brenhin. Guayỽ y righyll ny byd hỽy no their llath
rac y arganuot pan del y wyssyaỽ. Ny byd tenllif
yn|y laỽdỽr. O|r anreith y bo y brenhin ỽrth y dỽyn;
y ryghyll a geiff y tarỽ. Ac ony byd tarỽ ef a geiff
ych ieuanc nyt el dan wed eiroet neu gynfflith.
Pan vo marỽ righyll; yn trugared y brenhin y
byd yr eidaỽ. Pan anreither y penkynyd o|e gam
y righyll a|e han·reitha. O|r serheir y righyll o|e
eisted yn datleu y brenhin ny cheiff onyt gog+
reit hil keirch a chỽcỽy ỽy yn tal y sarhaet. ka+
ny dyly ef eisted y tra wnelher datleu y brenhin.
O|r wys a|ỽnel righyll credadỽy uyd y eireu. Gỽ+
ys righyll a thyston aduỽyn yn|y lle gan tystu
udunt y wys. neu taraỽ post teir gueith ny eill
neb vynet yn|y herbyn onyt trỽy lys. Gwys
righyll heb tyston; o teir llaỽ y guedir. O tri
mod y kedernheir guys; o tyston. a mechni+
aeth neu auael. Teir guys a ellir eu guadu
kyn amser tyston. Gwys gan tyston ny wneir
onyt am tir a ouynher o ach ac etryt. trỽy naỽ+
| « p 15v | p 16v » |