LlGC Llsgr. Peniarth 31 – tudalen 16v
Llyfr Blegywryd
16v
uetdydyeu mei neu galan gayaf. O gouynnir tir
yn amgen no hynny neu peth arall. A guadu
vn wys trỽy tỽng ymdanaỽ; trỽy vechni y dyly+
ir kadarnhau guys ar y neb a|e guatto. Y lle y
pallo mechni vn weith; gauel a dylyir y gymryt
yno. Ac os tir a ouynnir; tir a euelir. Pallu me+
chniaeth yỽ na rodher mach yny dylyher. neu
y rodi a|e tremygu. Tremyc gwys neu vechniaeth
yỽ. na del dyn yn|y dyd galỽ y lys ossodedic y at+
teb neu y amdiffyn rac atteb. Tri dyn ny dyly+
ir eu gwyssyaỽ. tyst. a guarant. a gueithredaỽl
kyssỽyn neu gyuadef. mechni a dylyir ar hỽn+
nỽ. Tri ryỽ wadu yssyd. guadu oll y dadyl a dot+
ter ar dyn. a hỽnnỽ a wedir trỽy reith ossodedic
heb na mỽy na llei. Eil yỽ adef ran o dadyl dryc+
weithret. a guadu y cỽbyl weithret. Ac yna y
guedir gan achwaneccau reith ossodedic. me+
gys y may ygkolofneu kyfreith am laỽrudy+
aeth. yn|y lle y tygei degwyr a deu·geint gan wa+
du llaỽfrudyaeth ac affeitheu oll; yno y tỽg
cant neu deu cant neu trychant. gan wadu
llaỽfrudyaeth ac adef affeith. Trydyd yỽ gua+
du ran ac a·def ran arall o dadyl heb weithret
yndi. Ac yna gan leihau reith ossodedic y gỽe+
| « p 16r | p 17r » |