LlGC Llsgr. Peniarth 36A – tudalen 46v
Llyfr Blegywryd
46v
yna teir blỽyd vyd. Ac vn ar pymthec
a phetwar vgeint a| tal yna. ac y| dylyir
y dala a phan dalher. vgeint a drycheif
ar y werth. A phedeir keinhaỽc cotta
pan ffrỽynher. Ac velly wheugeint a
tal. Amỽs a pascer whech ỽyth·nos;
punt a| tal. Palffrei morc a| tal. Rỽnssi.
wheugeint. Sỽmeruarch; petwar v+
geint. Raỽn amỽs y maes or goloren;
pedeir ar| hugeint. Or trychir dim
or goloren; gỽerth yr amỽs oll a| telir
Llygat amỽs ae glust; pedeir ar| huge+
int a tal pob vn. Or dellir oll. y werth
oll a| telir. Gỽerth raỽn rỽnssi. deudec
keinhaỽc. ac velly y lygeit ae glusteu
Y neb a watto llad march yn lletrat;
rodet lỽ petwar gỽyr ar| hugeint. Pỽy
bynhac a vynho lliwaỽ lletrat yn
gyfreithaỽl. dywedet welet y dyn or
pan uo goleu y dyd hyt pan vo kyf+
lỽchỽr ar lletrat gantaỽ. a thyget vch
pen reith. ac nas dywaỽt nac o gas
| « p 46r | p 47r » |