LlGC Llsgr. Peniarth 38 – tudalen 28v
Llyfr Blegywryd
28v
dua brenhin; distein a dichaỽn bot yn haỽlỽr. os
yr ymladỽyr ny|chỽynant. kanys torri tagnef llys
yỽ. Ny|discyn kamlỽrỽ o ymlad onyt trỽy tystoly+
aeth ny aller y llyssu. ac a tyster trỽy ymhyaỽl
yn llys. O ymlad a ỽneler myỽn nodua; gỽaet ~
neu gleis a seif yn tystolyaeth y|r abat a|r offeireit
trỽy vreint eglỽyssic y|r abataeth. O|r byd ymlad
yn llys peunydyaỽl y brenhin; dirỽy pop vn
o|r ymladỽyr heb ỽadu o vn yn erbyn y llall.
nac yn erbyn y distein. ỽhe|phunt vyd. O|r palla
reith y|r neb a|ỽatto ymlad; dirỽyus vyd megys
na ỽattei ef dim. Os o vaes y|r llys y byd yr ym+
lad teir punt vyd.
O S keitỽat a|gyll adneu; heb golli y da e|hu+
nan. ef a|tal y collet oll o gyfreith. llyfyr ky+
naỽc a|dyỽeit hagen bot yn haỽs y gredu ef o|r
dygir da idaỽ ef yn lledrat gyt a|r llall. a|gỽel+
et y torr ar y ty. ef a dyly hagen tygu a dynyon
y ty gantaỽ y vot ef yn iach y ỽrth y da hỽnnỽ.
O|r cledir y dayar hagen y dan y ty gỽedy y gỽn+
| « p 28r | p 29r » |