LlGC Llsgr. Peniarth 45 – tudalen 147
Brut y Brenhinoedd
147
kerda linx a erchyruyna pob peth yr hỽnn
a ymdywynnyc y priaỽt kenedyl. Trỽy hỽn+
nỽ y kyll flandrys y dỽy ynys. Ac o|e hen|teilyng+
daỽt yd yspeilir. Odyna yd ymchoelant y kyỽ+
daỽtwyr yr ynys Canys abball yr estraỽn
genedyl a dỽyrhaa. yr henn gwyn ar uarch
gwelỽ yn diheu a trossa auon peridon. A gỽi+
alen wenn a uessur melin arnei. Catwaladyr
a eilỽ kynan. Ar alban a dỽc yn|y kedymdeithas.
yna y byd aerua o|r estraỽn kenedyl. yna y lli+
thrant yr auoned o waet. yna y llawenha+
ant mynyded llydaỽ. Ac o|r teyrnwialen y coron+
heir y bryttanneit. yna y llenwir kymry o leỽ+
wenyd. a chedernyt kernyỽ a irhaa. O enỽ bru+
tus yd enwir yr ynys. Ac enỽ yr estronyon a ab+
balla. O kynan y kerda baed ymladgar. yr hỽnn
a diwylla blaenwed y danhed o uyỽn llỽyneu ffre+
ic. Canys trechaf pob kedernyt mỽyhaf yr rei
lleihaf y ryd hagen amdiffyn. Hỽnnỽ a ouyn+
haant. yr auia ar affrica Canys ruthur y redec
ef a estyn y eithauoed yr yspaen. y hỽnnỽ y
dynessa bỽch y serchaỽl kastell. A baraf aryant
arnaỽ a chyrn eur. yr hỽnn a|chwyth o|e ffro+
eneu y ueint ỽybren yny tywyllo ỽyneb yr
holl ynys. Hedỽch uyd yn|y amser ef. ffyna+
ỽn eilweith a lenwir o waet. A deu urenhin
| « p 146 | p 148 » |