LlGC Llsgr. Peniarth 45 – tudalen 213
Brut y Brenhinoedd
213
haỽd eu riuaỽ. rỽng ynys prydein ar y+
nyssed ereill a oresgynassei. A rann oreu
o uilwyr freinc oed y gyt ac ef heuyt.
Ac gỽedy gwelet o frollo y syrthaỽ yn|y
rann waethaf o|r ymlad. Sef a wnaeth
ygyt ac ychydic o niuer kyrchu paris
ac gỽedy dyuot y wasgaredic pobyl at+
taỽ. Cadarnhau y dinas a oruc a mynnu
y daly yn erbyn arthur. A thra ydoed fro+
llo yn arhos porth nachaf arthur yn dyfot
am penn y kaer a|rannu y lu yn|y chylch
mal na cheffit na mynet na dyuot. o·ho+
ni ỽrth y gyghor. Ac ar pen y mis Sef
a wnaeth frollo doluryaỽ o welet y
pobyl yn merwi o newyn. Sef a|wna+
eth anuon at arthur y ouyn idaỽ a uyn+
nei eu dyuot ell deỽ y le ny allei neb can+
horthỽy yr un o·nadunt mỽy noe gi+
lyd. Ar un o·nadunt a orffei. kymerhei
gyuoeth y llall yn diymlad yr deu lu.
Sef achos y kynnigyỽys. Gỽr maỽr ar+
uthur oed frollo anuetraỽl y gedernyt
a|e leỽder. Ac ỽrth hynn tybygu a wnai
y goruydei ar arthur a chaffel rydhau
y pobyl. A llawen uu gan arthur y kenna+
| « p 212 | p 214 » |