LlGC Llsgr. Peniarth 46 – tudalen 234
Brut y Brenhinoedd
234
ynni y brenhin oed ar|neỽydhau y kyfreitheu.
a|r eglỽysseu. a|chadarnhau y|ỽironed.
ac odyna yd aeth parth a|chaer ỽynt
y luneithaỽ yno megys y|lleoed ereill.
kynn o hynny. ac odyna y kychỽynnỽ ̷+
ys parth a|r nadolyc uanachloc oed ger
llaỽ caer garadaỽc yr honn a elỽit salus ̷ ̷+
beri. y edrych y lle y lladyssit y|tyỽysso+
gyon. a|r ieirll. a|r barỽneit. a|r mar ̷+
chogyon vrdolyon trỽy urat hengist.
Yno yd oed manachloc. a|thrychann my+
nach yndi o cỽfuent y|mynyd ambri.
Sef oed yr ambri hỽnnỽ. Seilaỽdyr y
uynachloc gyntaf. a gỽedy gỽelet o|r
brenhin y|lle yd oed y|gỽyrda hynny
yn gorffỽys. Gellỽg y dagreu a|oruc
ac ỽylaỽ. a medylyaỽ gỽneuthur y|lle
hỽnnỽ yn anrydedus. canys teilỽg oed
gantaỽ anrydedu y|tyỽyarchen yd oed
y|saỽl dylyedaỽc hynny yn gorffỽys.
arnei. gỽedy ry|lad yn ỽiryon yn am ̷+
| « p 233 | p 235 » |