LlGC Llsgr. Peniarth 46 – tudalen 295
Brut y Brenhinoedd
295
bot ni yn|trethaỽl idaỽ ef trỽy andylyet. min+
heu a|uarnnaf trỽy dylyet iaỽn. ac a|holaf
teyrnget idaỽ ynteu o|ruuein. a|r cadarnhaf
ohonam kymeret teyrnget gann y|gilyd. ca+
nys goresgynnỽys ulkassar trỽy gedernyt. ynys.
.prydein. ac achos hynny kymell teyrnget ohoni yr
aỽr honn. yn gynhebic. minheu a|dylyaf teyrn+
get o ruuein. Canys uy ryeni i gynt a|oresgyn+
nassant ruuein. Beli. a bran. meibon y|dyfyn+
ỽal moel mut. a|grogassant y|pedỽar|gỽystyl ar
hugeint rac bronn y|gaer. ac a|e meddassant
trỽy hir amsser. a chustennin uap helen. a|max+
en ỽledic uyg|kereint a|uuant amherodron yn
ruuein. ac o. ynys. prydein. y|goresgynnassant. a|phony
bernỽch chỽi y|minheu dylyu teyrnget o ru+
uein. O|ffreinc hagen. ac o|r ynyssed ny|ỽrthe+
baf|i idaỽ ef. canys pam na|s amdiffynnỽys pann
y|goresgynneis. ~ ~ ~ ~ ~ ~ ~
A |Gỽedy teruynu yr amadraỽd hỽnnỽ.
yna y|dyỽat hyỽel uap emyr llydaỽ yn|y
ỽed honn. Dyoer hep ef ỽedy medylyei
baỽp ohonam ni ar|neilltu y|synnỽyr a|e uenegi
| « p 294 | p 296 » |