Caergrawnt, Llsgr. Coleg y Drindod O.7.1 – tudalen 22r
Llyfr Blegywryd
22r
wreic. neu y verch; wheugeint. Gỽerth
lletuegyn tayaỽc; keinhaỽc cotta.
Or byd hely gellgỽn y vreyr. arhoet
ef hyny ellygho kynydyon y brenhin
teir gỽeith y bore. Ac odyna gollyg+
het ynteu y gỽn yn ryd. A phy le
bynhac y llather y garỽ; rodet whar+
thaỽr tir o·honaỽ. Py ffordaỽl byn ̷+
hac a vratho bỽystuil gỽyllt y ar y
fford yn fforest y brenhin; ymlynet
ef tra y gỽelho. Ac os gordiwed; kym+
eret. Ac or dieinc y dan y olỽc; nac
ymlynet. Py uỽystuil bynhac a
gaffo dyn yn varỽ ar tir dyn arall
or byd hyys y gic; perchenhaỽc y tir
bieiuyd. Ar neb ae caffo. a geiff y
warthaỽr blaen. os hỽch coet vyd.
Os llỽdyn arall; y wharthaỽr ol a geiff.
Os bỽystuil nyt ysser y gic a geffir
velly. perchen y tir a dyry keinhaỽc
drostaỽ yr neb ae caffo. Y lle y gossot+
ter cỽn yn erhyl; y kyntaf o·honunt
a gymero iỽrch neu gadno neu ys ̷+
kyfarnaỽc; ef ae keiff. Gỽerth llostlydan;
wheugeint. Gỽerth beleu; pedeir ar|hu+
geint
| « p 21v | p 22v » |