Caergrawnt, Llsgr. Coleg y Drindod O.7.1 – tudalen 30v
Llyfr Blegywryd
30v
y ueint hon. Ac uelly ny eill ef dim
y herbyn. canys credadỽy yỽ y thys+
tolyaeth hi e hunan yn|y lle hỽnnỽ.
Y neb a dycco treis ar wreic; y ha+
mobyr ae dirỽy a tal yr arglỽyd
ac yr wreic y tal y sarhaet. Ae he+
gỽedi ae dilysrỽyd. Os gỽadu a uyn
y gỽr. Ac os kadarnha y wreic yn|y
erbyn. kymeret hi gala y gỽr yn|y
llaỽ asseu. A thyghet hi yr dỽyn
treis o·honaỽ ef erni hi. Ac uelly
ny chyll hi dim oe iaỽn. Y neb a wat ̷+
to treissaỽ gỽreic; rodet lỽ degwyr
a deu vgeint. neu dirỽy treis. Nyt
oes yg|kyfreith hywel yspadu gỽr
yr treissaỽ gỽreic. O tri achaỽs ny
chyll gỽreic y hegỽedi kyt adaỽho
y gỽr. o glafri. ac eisseu kyt. A dryc+
anadyl. Teir gỽeith y keiff gỽreic
y hỽynebwerth. kyntaf y keiff wheu+
geint. Ar eilweith. punt. y dryded
weith y dichaỽn adaỽ y gỽr a myn ̷+
et a holl dylyet genti. Ac os diodef
hi dros y tryded weith. ny cheiff hi
| « p 30r | p 31r » |