Llsgr. Bodorgan – tudalen 11
Llyfr Cyfnerth
11
Dylyet yr ygnat llys yỽ eisted rỽg yr et ̷+
lig ar golofyn yn nessaf idaỽ yneuad
y brenhin. Yn rat y barn pop braỽt o|r a per ̷+
thyno ỽrth y llys. Ran gỽr a geiff o aryant
y dayret. Ef bieu dangos breint a dylyet
sỽydeu y llys. Pedeir ar hugeint a geiff ef
y| gan y neb yd estenher breint a dylyet idaỽ.
O|r gỽrthỽynepa neb varn yr ygnat llys
rodent eu deu ỽystyl yn llaỽ y brenhin. Ac
o|r methlir yr ygnat; diuarnedic uyd y eir
byth. A thalet werth y tauaỽt yr brenhin.
Ac na varnet byth. O|r methlir y llall; talet
y sarhaet yr ygnat llys ac yr brenhin we ̷+
rth y tauaỽt. Jaỽn yỽ yr braỽtỽr
kaffel pedeir keinhaỽc. kyfreith. o pop dadyl a
talho pedeir keinhaỽc. kyfreith. Trydy dyn anheb+
cor yr brenhin yỽ yr ygnat llys. Pedeir ar
hugeint aryant a geiff ef pan teruyner tir.
Ny dyly neb barnu ar ny ỽyppo teir colofyn
kyfreith a gỽe rth gỽyllt
a dof. A march
yr yg +
nat
llys
| « p 10 | p 12 » |