LlGC Llsgr. 24049 (Boston 5) – tudalen 108
Llyfr Blegywryd
108
ith ẏnn|ẏ nos. A gallu o|r perchen. a|chẏ ̷+
modaỽc vch ẏ|drỽs. ac arall is ẏ|drỽs;
kadarnhau hẏnnẏ ẏn wir. Kostawc
kẏn bo brenhin. neu vreẏr bieiffo; Vn
werth vẏd a|chostaỽc bilaein. KJ call+
auỽed; o|r lledir pellach no naỽ cam ẏ
wrth ẏ|tẏ. nẏ thelir dim ẏm·danaỽ. Os
o|vẏwn ẏ naỽ cam; pedeir ar|hugeint
a|tal. BJtheiat; nẏt oes werth ar+
naỽ ẏg|kẏureith. kannẏt oed ẏ|kẏur+
ẏỽ gi hỽnnỽ ẏn oes hẏwel da. Gỽer+
th damdỽg a|vẏd ar|bop peth ar|nẏ
bo gỽerth arnaỽ ẏn|ẏscriuenedic.
O|R kẏrch ki ar|dẏn; dodet ẏ arẏf ẏrẏ+
daỽ ac ef. Ac o daỽ ar|ẏr|arẏf hẏnnẏ
lather. nẏ thelir dim drostaỽ. O|R br+
ath ki dẏn hẏnnẏ del ẏ|gwaet; perch+
en ẏ|ki a dẏlẏ talu gwaet ẏ|brathedic.
Ac o|llad ẏ brathedic ẏ ki kẏnnẏ dianc
ẏ wrthaỽ nẏ|cheiff dim namẏn vn ar
bẏmthec dros ẏ waet. KJ kẏneuo+
dic ar vrathu dẏnẏon; o|r brath tri d ̷+
ẏn. ac na llatho ẏ arglỽẏd ẏna. ẏ|rỽ+
ẏmaỽ a|dẏlẏir ỽrth troet ẏ arglỽẏd
a|raff o|dỽẏ rowant; Ac ẏno ẏ|lad.
| « p 107 | p 109 » |