LlGC Llsgr. 24049 (Boston 5) – tudalen 149
Llyfr Blegywryd
149
gỽaet ar abbat vn o|r eisteduaeu arben+
nic racdẏwededic; talet seith punt idaỽ.
A|golchẏdes or|e genedẏl ẏr gỽaradỽẏd ẏ|r
genedẏl. Ac ẏr cadỽ cof am tal ẏ|sarhaet.
Pẏm nẏn nessaf ẏ|werth ẏ|wadu beich
kefẏn. onnẏ holir ẏn lletrat. ac onnẏ
thal vgeint. Deudegwẏr ẏ|wadu gỽe ̷+
rth trugeint. onnẏ holir ẏn lletrat.
Petỽar|gỽẏr ar|hugeint ẏ|wadu gỽe+
rth wheugeint. wẏth|wẏr a|deuge+
int a watta punt. neu ẏ|gỽerth. onnẏ
holir ẏn lletrat. Seith a|watta Mỽẏ no
beich kefẏn. TRi dẏn a|watta llei no|beich
keuẏn. Degỽẏr a watta pỽn march.
Ac vellẏ ẏ gỽedir pob da. onẏ|holir letrat.
O |R pan dotter ẏt ẏnn|ẏ daẏar;
hẏnnẏ el ẏnn|ẏ ẏsgub; arẏa+
nt tal a|daỽ drostaỽ. Ac odẏn+
na ẏsgub iach ẏn lle ẏ glaf.
O pob march a|uo hual. neu laỽhethẏr
arnaỽ; keinnaỽc ẏ|dẏd. a|dỽẏ ẏ|nos. O|r
bẏd disgẏurith; dimei ẏ dẏd. a|cheinna+
ỽc ẏ nos. O|r bẏd disgẏureithir oll pan
dalher ẏ march ar|ẏr ẏt; talet tri ỽuh ̷+
ẏn camlỽrỽ ẏ|r brenhin. o|r bẏd|hagen
| « p 148 | p 150 » |