LlB Llsgr. Cotton Cleopatra A XIV – tudalen 83r
Llyfr Cyfnerth
83r
eu y dyd hyt pan uo pryt kyflychỽr ar
lletrat gantaỽ a| thygu or lliwat ar y pet ̷+
weryd o wyr un vreint ac ef ar porth y
vynwent. ac ar drỽs yr eglỽys. Ac uch pen
yr allaỽr gyssegyr.
Managỽr diouredaỽc trỽy tystolyaeth
y periglaỽr or daỽ gyt ar colledic y|gỽyd
yr offeirat yr eglỽys archet yr effeirat
yr managỽr ar drỽs yr eglỽys yr duỽ na
thỽg y kam. Ac os tỽg yno bit gyffelyp
ar drỽs y gagell. Ar tryded|weith uch pen
yr allaỽr. Ac os diwat y dyn dros hynny
cadarnhaet yr effeirat ar y eir teir gueith.
Ac ony chret y dyn hynny tyget yr effeir+
at vn weith ac uelly ny ellir yn| y erbyn.
Gverth gayaf·ty. dec a deugeint ary+
ant a| tal y nenpren. A dec ar huge+
int a| tal pop forch a| gynhalyo y nenpren.
Y meinkeu. ar tal·ueigkeu ar ystyffyleu
ar doreu ar kynoreu ar gordrysseu ar
trothyweu ar tubyst pedeir keinhaỽc
| « p 82v | p 83v » |