LlB Llsgr. Cotton Cleopatra A XIV – tudalen 92v
Llyfr Cyfnerth
92v
Y neb a wertho march neu gassec bit y| dan
gleuyt oe myỽn Anaf o uaes bit ar y neb
ae prynho y etrych. y neb a wertho ma ̷+
rch bit y dan pori ac yuet dỽfyr ac na bo
llỽygus. Or byd marỽ mach dyn ac adaỽ
mab o·honaỽ. Y mab a dyly seuyll yn lle y
tat yn| y uechni. Or dygỽyd mechni ar
uab dros y tat. A goruot y diwat y| gyfreith
a| dyweit na watta neb o genedyl y uam
gyt ac ef a| myn kenedyl y tat a chenedyl
mam y tat. Arglỽyd a| uyd mach ar pop
da adef.
Imp pedeir keinhaỽc kyfreith yỽ y we ̷+
rth hyt galan gayaf racỽyneb. o hynny
allan dỽy geinhaỽc pop tymhor a drych+
eif arnaỽ hyny ordiwedho frỽyth. Ac o
hynny allan trugeint a| tal. Ac ỽrth hy+
ny y mae vn werth imp a llo buỽch va ̷+
ỽr or dechreu hyt y diwed.
Peir brenhin punt a| tal. pedeir ar huge ̷+
int a| tal y gigwein. Callaỽr brenhin wheu+
| « p 92r | p 93r » |