LlB Llsgr. Cotton Cleopatra B V rhan ii – tudalen 222r
Llyfr Cyfnerth
222r
Deudec keinhyawc a|tal pob ỽn onadunt
Croen llostlydan hanner punt a|dal. Croen
beleỽ xxiiii. a|tal. Croen carlwng.xij. a|tal.
O|bop gwyduil a|lader ar tir arall. Per+
chennawc y tir a|geiff.iiij. keynnyauc y
tir. A chwarthaur ol. nessaf yr daeyar*
a hynny a|dyly.
Tri aylawd ar|dec yssyd vn gwerth ar dyn
y deu llegad a|e duy glust gan golli eu clybod
a|e duy|froen a|e duy weus a|e duylaw a|e deu
droet ac aruau gwrawl chwe|buy yỽ gwerth
pob vn o·honỽnt a|chueugeint o ariant. O|r
trychir clust hagen oll ac o|clyỽ dỽy a|deugeint
o aryant yw y|guerth. Gỽerth bys dynn buch
ag|ugeint o areant. guerth bawt dvyỽn a|deu+
geint o areant. gwerth y|tauaut e hỽn kynnut
yỽ y gwerth yr aylodeu ereill oll holl aylodeu
dyn i gyt pan gifriuer wyth punt a|pedỽar|ugein
punt a|dalant pedeir|ar|hugeint yw guerth guaet
dyn teir crayth gogyuarch yssyth ar dyn creith
ar wyneb chueugeint a dal greith ar gefyn llaw
deheu trugeint. creith ar gefyn troet deheu
| « p 221v | p 222v » |