Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 62r

Llyfr Blegywryd

62r

1
geint dros y|llynn. a|hynny onny|thelir
2
y|westua yn amsseraỽl. Messur gỽestua y
3
brenhin yỽ; pỽn o vlaỽt gỽenith. a chic
4
ych. a|seith dereua o|geirch vn rỽym. a|do  ̷+
5
gyn o|vel yn vn gerỽyn. naỽ|dyrnnved vyd
6
vchet y|gerỽyn pan|vessurer ar|ỽyr o|r cleis
7
traỽ y|r emyl yma. a|phedeir ar|hugeint
8
o|aryant. onny|s rydha y vreint y|r|talaỽ+
9
dyr Gerth kerỽyn ved a|talher y|r bren  ̷+
10
hin. wheugeint yỽ. a|chymeint y|dyly y
11
gerỽyn vot ac y gallo y|brenhin a|e|hene+
12
dyf eneinnaỽ yndi. a|r cỽyr a|rennir yn|te+
13
ir rann. Y|trayan y|r brenhin. a|r|trayan
14
y|r neb a|e|gỽnnel. a|r|trayan y|r neb a|e|ro+
15
dho. O|tref ryd y|bo maer. neu gyghellaỽr
16
yndi. med a|telir. O|tref ryd dissỽyd; bra+
17
gaỽt a|telir. Onny cheffir med; dỽy ger+
18
ỽyneit o|vragaỽt. Onny cheffir bragaỽt; pe+
19
deir o|r cỽrỽf a|telir. ac velly y byd dros
20
westua h y|gayaf. 
21
P Edeir ranntir a|vyd yn|y tref
22
y|talher gỽestua brenhin oho+
23
nei. Pan talher gỽestua haf
24
ny|thelir nac aryant na ebran.
25
Y|gỽestua haf y|telir petỽar daỽnbỽyt
26
heb aryant. heb ebrann. heb gỽrỽf. a chic.