LlB Llsgr. Cotton Titus D IX – tudalen 76v
Llyfr Blegywryd
76v
pedeir keinnaỽc ysgynn. a|phedeir disgyn
a|phedeir dros pob ranntir a|varchaoccao
drosti. a|chamlỽrỽ y|r brenhin. Pỽy|byn+
nac a|differo march rac lleidyr. pedeir
keinnaỽc a|dyly y gann y|perchenn yg
kyueir pob buch o|r a|talho y|march pei
gỽerthit. Y neb a venffyccyo march
y arall hyt yn lle|teruynnedic. ot a
hỽnnỽ a|vo pellach ac ef. talet y|r per+
chenn hanner yr ennill a gaffo o|vyỽn
hynny. Y neb a|gymero benffic march
a|llygru y|geneu hynny* dygỽydo y|vl ̷ ̷+
eỽ yn|hagyr; pedeir keinnaỽc kyureith
a|tal y|r perchenn. O|r hỽydha hagen y
o|adlo henllỽgyr. a|thorri y|croen ar y
geuen hyt y kic. ỽyth geinnaỽc kyfreith.
a|tal. Onny byd hennllỽgyr arnaỽ.
a|thorri croen a chic hyt ascỽrnn. vn
ar|bymthec kyureith a|tal.
O En tra dynho; keinnaỽc kyfreith
a|tal. Pan wahanner. dỽy ge+
innaỽc kyureith a|tal. Teith
aỽst. pedeir keinnaỽc kyfreith.
Teithi dauat. kymeint a|e gỽerth.
Teth dauat. dỽy geinn* kyfreith a|tal.
Myn tra dyno; keinnaỽc cota. Pann
| « p 76r | p 77r » |