Llsgr. Caerdydd 1.363 (Hafod 2) – tudalen 57r
Brut y Brenhinoedd
57r
ar rỽgeynt o amraỽalyon kenedloed koedolyon
bwystỽyled. Ac|yn y lle gwedy darỽot ỽdỽnt per+
ffeythyaỽ eỽ hanryded yr dwyweỽ o|r gwedylly+
on ar gormodyon wynteỽ e|hỽneyn a wuytaass+
ant megys y gnotteyt yn y wyr ryw abertheỽ hy+
nny. Ac odyna yr hynn a wedyllỽs o|r nos ac o|r dyd
kanthỽnt wynt a|e trewlassant trwy amraỽaly+
on wareeỽ. Ac ym plyth y gwareeỽ hynny ef a
damwennyỽs deỽ was yeỽeync arderchaỽc. y ne+
yll onadỽnt yn ney yr brenyn. ar llall yn ney aỽa+
rwy ỽap llwd kynhennỽ yn gware palet. ac o|r
dywed llydyaỽ am y wudygolyaeth. Ac ysef
oed enw ney y brenyn. hyrlas. ac enw y llall kỽ+
elyn. Ac gwedy ymlydyaỽ ac ymkywethyl. ysky+
lfỽ cledyf a wnaeth kỽelyn a llad penn hyrlas
ney y brenyn. Ac gwedy y lad kynhyrfỽ a orỽc
y llys oll. ac ehedec y chwedyl at|kasswallaỽn.
A llydyaỽ a chyffroy yn ỽaỽr a orỽc o achaỽs
lladedygaeth y ney. ac erchy a wnaeth y aỽa+
rwy rody kỽelyn y dyodef kyffreyth y|llys ar+
naỽ rac mynet hyrlas yn di·dial os kam y lle+
dessyt. Ac gwedy gwelet o aỽarwy bot bryt
| « p 56v | p 57v » |