Llsgr. Caerdydd 1.363 (Hafod 2) – tudalen 66v
Brut y Brenhinoedd
66v
Ac gwedy llad rodryc yna yr rodes meỽryc rann o|r
alban yr pobyl orchyỽygedyc a dothoed y gyt ac
ef rodryc y presswyllyaỽ yndy. ar rann honno o|r
wlat a elwyr yscotlont. kanys yn yr amser hỽnnỽ
dyffeyth oed hep nep yn|y phresswllyaỽ nac yn|y ch+
yỽanhedỽ. nac yn|y dywyllyaw. Ac nat oed gwraged ỽ+
dvnt erchy a wnaethant yr brytanyeyt eỽ merch+
et ac|eỽ karesseỽ yn wreyca ỽdỽnt. ac y bỽ antheyl+
wng gan y brytanyeyt henny ac ny mynassant
rody eỽ merchet yr pobyl honno. ac|ỽrth hynny
yd aethant wynteỽ hyt yn ywerdon at y gwydyl
ac y gan yr rey ynny y kymerassant eỽ merchet ac eỽ ka+
resseỽ yn wraged ỽdỽnt. ac o|r rey hynny yd hyly+
assant eỽ kenedyl gwedy hynny. Ac ar hynny y pe+
ydỽn y ar kenedyl honno. kanys ny bỽ darpar ken+
ym|ny traethỽ oc eỽ hystorya wynt nac o|r yscotyeyt
yr rey a dechrewys ev kenedyl o|r gwydyl ffychty ac
o|r gwydyl yaỽn. Ac gwedy darỽot y ỽeỽryc llỽny+
ethỽ yr ynys holl trwy tagnheỽed karyat a kynhe+
yelys yr·rygthaỽ a gwyr rvueyn. ac|o|e|ỽod yllw+
ng ev teyrnget vdvnt. Ac o agcreyfft y tat trwy
| « p 66r | p 67r » |