Llsgr. Caerdydd 1.363 (Hafod 2) – tudalen 78r
Brut y Brenhinoedd
78r
entev e pobyl gwedy ef. a cheyssyav gwybod y gan
y kyghorwyr pwy o|e lyn ef a|wnelynt en
ỽrenyn kanys nyt oed ydaỽ ef ettyved na+
myn vn verch. Ac wrth henny rey o|r kyghorw+
yr a vynnynt rody e|vorvyn honno y vn o dyle+
dogyon enys prydeyn ar teyrnas kenthy. ereyll
a ỽynnynt y rody y vn o dyledogyon rvueyn ar
vrenhynyaeth kenthy hyt pan vey kadarnach
ev tagnheved o henny. Ereyll a|vynnynt rody
coron e teyrnas y kynan meyryadavc ney evd+
af vap y vraỽt. ar rody y verch enteỽ y dyledavc
o estravn kenedyl. ac evr ac aryan en amyl y gyt
a hy. A hyt tra ed|oedynt en er amrysson hvnnv e
rydvnt nessav a orvc karadavc yarll kernyw
a chyghory a wnaeth gwahavd maxen senedvr
o|r rỽueyn ar rody y verch ydaỽ. ac evelly e|dywe+
dey ef e gellynt wynteỽ kaffael tragywydavl he+
dvch. kanys e gwr hỽnnỽ oed vap y lywelyn ew+
ythyr cvstennyn vavr vap helen e gwr a dywetp+
wyt wuchot o·honav. Mam vaxen hagen a|e genedi+
| « p 77v | p 78v » |