Llsgr. Caerdydd 1.363 (Hafod 2) – tudalen 93v
Brut y Brenhinoedd
93v
adv y vrdas ef en vrenyn. Ac en amser hvnnv ne+
ỽt varv kvhelyn archescop ac|nyt oed vn arall a
racveydyey y kyssegrỽ ef en vrenyn. Wrth y tynnv
ef enteỽ o|r venechtyt. Ac eyssyoes yr hennynyt
heb* revygwys gortheyrn y coronhaỽ ef namyn
e|hvnan arỽerỽ o wassanaeth archescop ac|a|e
dwylav e|hvnan dody coron vrenhynavl am
penn constans ac e velly y vrdaỽ en vrenyn.
AG gwedy ardyrchavael constans en vren+
yn holl lywodraeth a yavnder e teyrnas a
kyfradvs entev y ortheyrn ac emrody e|hvnan en
hollavl wrth y kynghor en|e veynt honno megys
na wnaey ef dym namyn a kynghorey orthe+
yrn. kanys gwander y synhwyr a|e dyall ef a dess+
yfey henny. ac y gyt a henny amgen dysc a d+
yscassey ef en e claỽstyr a llywywaỽ te+
yrnas e vrenhynyaeth. Ac gwedy gwelet o or+
theyrn henny dechrev medylyaỽ a orvc endaỽ
e|hỽn pa wed e galley entev emdyrchavael en v+
renyn kanys henny em blaen pob peth a chw+
ennychey. Er holl vrenhynyaeth hagen ar ry
daroed y gorchymyn o|y dyosparth ef. ac nyt
oed dym y constans o|r teyrnas onyd gwascavt er enw
| « p 93r | p 94r » |