Llsgr. Caerdydd 1.363 (Hafod 2) – tudalen 97r
Brut y Brenhinoedd
97r
entev pan las constans eỽ braỽt. kanys odyno pe+
ỽnydyaỽl chwedyl a ehedey ar y clỽsteỽ entev eỽ
bot wynt en darmerthỽ e llynghes wuyhaf a e+
llynt y chaffael y emchwelỽt trachevyn y enys
prydeyn ar y torr enteỽ y orescyn ev gwyr teyr
nos ac eỽ gwyr dylyet. Dybodedygaeth* e|ssaysson.
AC en er amser hvnnỽ e dyskynassant teyr
llong hyryon en emylyev swyd keynt en
llaỽn o varchogyon arỽavc a|deỽ vroder en
tewyssogyon arnadvnt. sef oedynt er rey he+
nny hors a heyngyst. Ac en er amser hvnnv
ed oed Gortheyrn yng kaer keynt en herwyd
kynneỽavt. kanys mynych e gnotaey ef dyvot
a phresswyllyaỽ eno. ac eno e kennataỽt ydav
ry dyvot gwyr mavr an etnebededyc agkyfy+
eyth em meỽn llongheỽ maỽr ar ry dyskyn+
nỽ ar y tyr. kygrheyr ar rode vdvnt ac erchy
a orvc eỽ dwyn attav wynt. Ac eu elly gwedy
eỽ dyvot trossy y lygeyt a orvc ar y deỽ vro+
der. kanys ragor a dygynt rac ev kytem+
deythyon en hollaỽl o pryt a meynt. a
| « p 96v | p 97v » |