LlB Llsgr. Harley 4353 – tudalen 37v
Llyfr Cyfnerth
37v
wreic o rod kenedyl. Ac os gat kyn pen y
seith mlyned; talet idi teir punt yn| y hegỽe ̷+
di os merch breyr uyd. Ac yn| y chowyll;
punt a hanher. Ac wheugeint yn| y gobyr.
Os merch tayaỽc uyd. punt a hanher yn| y
hegỽedi. A wheugeint yn| y chowyll. A phe ̷+
deir ar hugeint yn| y gobyr. Os gỽedy y
seith mlyned y gat; bit ran deu hanher y+
rydunt. onyt breint a dyry ragor y|r gỽr.
Deuparth y plant a daỽ y|r gỽr. nyt amgen
yr hynaf a|r ieuhaf. A|r trayan y|r vam. Os
agheu a|e gỽahana; bit ran deu hanher y
rydunt. o pop peth. Sarhaet gỽreic ỽry ̷+
aỽc. herwyd breint y gỽr y telir. Pan lath ̷+
er gỽr gỽreigyaỽc; y sarhaet a telir yn gyn ̷+
taf. Ac odyna y alanas. Trayan sarhaet y
gỽr a geiff y wreic. Gỽreic gỽr ryd a dicha ̷+
ỽn rodi y chrys a|e mantell a|e phenlliein
a|e hescityeu a blaỽt a|e chaỽs a|e hemenyn
A|e llaeth heb ganhat y| gỽr. Ac a dichaỽn ben ̷+
ffygyaỽ holl dootrefyn y ty. Ny dichaỽn
gỽreic tayaỽc rodi heb ganhat y| gỽr onyt
y| phengỽch. Ac ny eill benffygyaỽ onyt y
gogyr a|e ridyll. A hynny hyt y clyỽher y
galỽ a|e throet ar y throtheu. O|r a morỽ* ̷
| « p 37r | p 38r » |