LlB Llsgr. Harley 958 – tudalen 44v
Llyfr Blegywryd
44v
ued llet a|their dẏfẏnhet. kic ych a|telir
dros tri daỽnbỽẏt gaẏaf. Nẏ thelir dros
daỽnbỽẏt gỽanhỽẏn namẏn arẏant. onẏ
ellẏr eu kaffel. deudec keẏnhaỽc a telir dros
pob vn o·honunt. Ac ugeint ẏscub o geirch
vn rỽẏm. A deudec torth o vara bẏchein. A|dỽẏ
torth o vara maỽr peiỻeit. Ac onẏ bẏd gỽe+
nith ẏno bara rẏnẏon vẏdant. A|chossin
gẏt a phop daỽnbỽẏt a wnelher o hoỻ
ỻaeth ẏ neb a|e talho bore ac echỽẏd. A breu+
an emenẏn kẏn|deỽhet a|motued. a|chẏflet
a|r dẏskẏl letaf ẏn|ẏ tẏ. keẏnaỽc a telir ẏ|r sỽẏ+
dogẏon gẏt a phob daỽnbỽẏt ẏ|gaẏaf a|r
gỽanhỽyn. Ẏr haf os ẏn arẏant ẏ telir.
deu·naỽ uẏd ẏ tal a|cheinaỽc ẏ|r sỽẏdogẏon.
Sef ẏỽ ẏ rei hẏnnẏ. ẏ daeretwẏr a|e kẏnuỻo.
val hẏn ẏd ẏmlẏckeir dadẏl tir.
Y R haỽlỽr bieu dangos ẏ haỽl. A|gỽedẏ
hẏnnẏ ẏr amdiffẏnnỽr ẏ amdiffẏn.
A|herwẏd hẏnnẏ ẏ dẏlẏ henurẏeit gỽlat
kẏt·ẏstẏrẏaỽ ẏn garedic pỽẏ ohonunt ẏs+
sẏd ẏn adef gwir pỽẏ nẏt ẏ·diỽ. A|gỽedẏ dar+
ffo ẏ|r henurieit racreith·ẏaỽ ẏ sẏnwẏr. a
chadarnhaỽ eu dull trỽẏ tỽg ẏna ẏ dẏlẏ
ẏ braỽtwẏr mẏnet ar neiỻtu a barnu herwẏd
duỻ ẏr henurẏeit a dangos ẏ|r brenhin ẏr|hẏn
| « p 44r | p 45r » |